Dashain Suvakamana

सबै कम्युनिष्ट एक हुनुपर्ने बेला आयो : भरत सी

Ajai

धनगढी। नेत्रविक्रम चन्द विप्लव नेतृत्वको नेपाल कम्युनिष्ट पार्टीका स्थायी समिति सदस्य तथा सुदूरपश्चिम प्रदेश इन्चार्ज डबल बहादुर शाह (भरत सी)ले माओवादी एकजुट हुन जरुरी रहेको धारणा राखेका छन् । 

मंगलबार धनगढीमा आयोजित पत्रकार सम्मेलनमा बोल्दै उनले माओवादी मात्रै नभएर सबै कम्युनिष्ट एक हुनुपर्ने बेला आएको धारणा राखे । उनले भने ‘कम्यनिष्टप्रति जनताको विश्वास छ, समयमै सबै कम्युनिष्ट एक हुन जरुरी छ । एक हुन नसके मोर्चा सम्म बनाउनु पर्ने समय आएको छ ।’ उनले अहिलेको सरकार निरन्तर चल्नु पर्ने समेत बताए ।

उनले भने अहिलेको सरकारलाई अझ बलियो बनाउनुपर्छ, यो कम्युनिष्ट नेतृत्वको सरकार भएकोले यसलाई अझ बलियो बनाउनु पर्छ । सरकारका सकरात्मक काममा आफ्नो पार्टीको सहयोग र समर्थन रहने समेत उनले स्पष्ट पारे । उनले भने. ‘सरकारले चालेका भष्टाचार विरुद्धका काममा हाम्रो सहयोग रहन्छ । राम्रा कामका लागि सधै सहयोग गर्छौ ।’

उनका अनुसार एमसीसी, वैदेशिक हस्तक्षेप, भ्रष्टाचार, विकृति, मिटर व्याज लगायतका विषयमा पार्टीले सङ्घर्ष गर्ने र सीमामा सहायक केन्द्रको स्थापना गर्ने निर्णय गरिएको छ । उनले पाँच बुँदामा समसामयिक प्रस्ताव पास गरेको पनि जानकारी दिए । उनले एक सयको नोटमा चुच्चे नक्सा राख्ने सरकारले गरेकोे निर्णय सकरात्मक भएको प्रतिक्रिया दिए । सीले भने ‘भष्टाचार बढ्दो छ । आर्थिक रुपले देश टाँट पल्टिने अवस्था छ । जनता पलायन हुँदै छन् । यसमा सबै सचेत हुनु पर्ने बेला आएको छ ।’

यस्तै भरत सीले पहलमानपुरको कोड स्टोरदेखी महाकाली कोरिडोर सम्मका विषयमा पार्टीले निर्णय गरेको जानकारी दिए । सहिद दशरथ चन्द स्वास्थ्य विज्ञान प्रतिष्ठानको सञ्चालनको लागि दबाब सृजना गर्ने, महाकाली कोरिडोर, सेती लोक मार्गको लागि पर्याप्त बजेट विनियोजन गर्न लगाउने र छिटो सम्पन्न गर्न माग गर्ने, गरिब, किसान, र सुकुम्वासीलाई वैकल्पिक व्यवस्था विना विस्थापन गर्ने कामको विरोध गर्ने, चिसापानी राजकाडा केबुलकारमा स्थानीय निकाय र जनताको शेयर सुनिश्चितताको पहल गर्ने समसामयिक प्रस्ताव पास गरिएको छ।

कैलालीको गोदावरी हरैयाको जग्गा पार्टीको नाममा रहेको बताउदै पत्रकार सम्मेलनमा उनले आर्थिक संकट र युवा पलायनले देश थप सङ्कटमा गइरहेको भन्दै मुलुकको विकासको लागि नेपाली विशेषताको समाजवादको स्थापना आवश्यकता रहेको जानकारी दिए । उनले सबै कम्युनिस्ट पार्टीहरू एक हुनुको विकल्प नरहेको बताएका थिए ।

सम्बन्धित पाेस्टहरु
प्रतिक्रिया दिनुहोस

Your email address will not be published.