धनगढी । सुदूरपश्चिम प्रदेश नीति तथा याेजना आयाेगले सरकारकाे प्रथम आवधिक याेजना निर्माण सम्बन्धी सराेकारवालासँग अभिमुखीकरण तथा छलफल कार्यक्रम सञ्चालन गरेकाे छ । बिहीवार आयाेगले धनगढीस्थित आफ्नै कार्यालयमा आयाेजना गरेकाे उक्त छलफलमा राष्ट्रिय याेजना आयाेगका पदाधिकारी सहित मुख्यमन्त्री र प्रदेश मन्त्रालयका सचिव तथा याेजना शाखाका प्रमुखहरुकाे सहभागिता रहेकाे थियाे ।
आयाेगका कार्यवहाक उपाध्यक्ष माेहनदेव बिष्टकाे अध्यक्षतामा भएकाे अभिमुखीकरण तथा छलफल कार्यक्रमकाे सञ्चालन आयाेगका सचिव नारायणप्रसाद पाैडेलले गरेका थिए भने मुख्यमन्त्री त्रिलाेचन भट्टकाे प्रमुख आतिथ्य रहेकाे थियाे । कार्यक्रलाई सम्बाेधन गर्दै मुख्यमन्त्री भट्टले बर्षाैंदेखि पछाडी पारिएकाे सुदूरपश्चिम प्रदेशकाे दिगाे बिकासकालागि सरकारले समय सापेक्ष विकासकाे माेडेल तय गरेर आवधिक याेजना निर्माणमा लागेकाे बताए । यसमा सबैकाे सहयाेगकाे अपेक्षा सरकारले लिएकाे उनकाे भनाई थियाे ।
यस्तै छलफल कार्यक्रममा राष्ट्रिय याेजना आयाेगका सदस्य डा. रामकुमार फुयालले केन्द्रीय आयाेगकाे मार्गनिर्देशनमा प्रदेशकाे आवश्यकतालाई ध्यान दिएर सराेकारवालाकाे सुझाव अनुसार आवधिक याेजना निर्माण गर्न सुझाए । कार्यक्रममा प्रदेश नीति तथा याेजना आयाेगका कार्यवहाक उपाध्यक्ष माेहनदेव बिष्टले आयाेगले अहिलेसम्म गरेका कामकाे चर्चा गरेका थिए । याेजना छनाैटकालागि याेजना दिग्दर्शन प्रकाशन गरी प्रदेशका सबै मन्त्रालय ८८ वटै स्थानीय तहमा पुराएकाे, आवधिक याेजना निर्माण सम्बन्धी करिव एकहजार बढी सराेकारवालासँग छलफल गरेर प्रदेशकाे पञ्चवर्षिय याेजना निर्माणमा लागेकाे बताए ।
