धनगढी । सुदूरपश्चिम प्रदेश सरकारका उद्योग पर्यटन वन तथा वातावरण मन्त्री मानबहादुर धामी (सन्तोष) यतिबेला बाढी पहिराे प्रभावित गाउँमा पिडीतकाे घाउँमा मल्हम पट्टी लगाउनमा ब्यस्त छन् । पाँच दिनदेखि दार्चुलामा रहेकाे मन्त्री धामी नेतृत्वको टोलीले जिल्लाकाे नौगाड गाउँपालिकाको बाढी प्रभावित क्षेत्रको अवलोकन गर्नुका साथै बाढी पिडीहरुसंग भेटघाट गर्दै रहात तथा सान्वना दिईरहेकाे छ ।
मन्त्री धामीले जिल्ला समन्वय समिती दार्चुलाका उपप्रमुख कृष्णसिंह धामी, मार्मा गाउँपालिकाका अध्यक्ष जमनसिंह धामी लगायतको टोलीले बाढी पिडितहरुलाई भेटेर राहात र सान्वना प्रदान गर्दै बाढीका कारण ज्यान र घरबास गुमाएका केहि परिवारलाई आर्थिक सहयोग समेत गरिएको उनका स्वकीय सचिव रामदत्त जोशीले बताए ।
बाढी पिडित क्षेत्रहरुमा स्थलगत अनुगमन गर्नुका साथै नौगाड गाउँपालिका अध्यक्ष लगायत जनप्रतिनिधिहरुसंग राहत, पुनर्स्थापना र पुनर्निर्माण गर्ने सम्बन्धमा गहन छलफल भएको नौगाड गाउँपालिकाका कर्मचारी नरेन्द्र ठगुन्नाले जानकारी दिए । 
साेही अवसरमा मार्मा गाउँपालिकाको तर्फबाट अध्यक्ष जमन सिह धामीले नौगाड गाउँपालिका अध्यक्ष प्रेम सिह धामीलाई बाढी पिडीतहरुका लागि पचास हजार रुपैँयाको चेक हस्तान्तरण गरेको ठगुन्नाले बताए ।
माओवादी केन्द्रका नौगाड गाउँ कमिटी अध्यक्ष धनिराम ठगुन्नाले बाढि पहिरो जोखिम न्युनिकरण गर्न उद्योग पर्यटन वन तथा वातावरण मन्त्री धामीलाई ज्ञापन पत्र बुझाएको बताए । मन्त्री धामीले बाढी पहिराे लगायतका प्राकृतिक प्रकाेप न्यूनिकरणकालागि प्रदेश सरकारले तत्कालिन र दीर्घकालिन याेजना बनाएर समस्य समाधान गर्ने बताए ।