धनगढी । नेकपाको प्रचण्ड–माधव पक्षले आह्वान गरेको आमहड्तालका क्रममा बिहीबार सुदूरपश्चिम प्रदेशको अस्थायी राजधानी धनगढीमा अनौठो दृश्य देखियो ।
देशका विभिन्न भागमा बन्दकर्ता र प्रहरीबीच झडप भएका समाचार आइरहेको समयमा धनगढीको चौराहामा भने एक प्रदर्शनकारीले प्रहरीकै भ्यानमाथि चढेर सरकारविरुद्ध नारा लगाइरहेका थिए । नेकपाको प्रचण्ड–माधव पक्षका सुदूरपश्चिम प्रदेश कमिटी सदस्य रमेश धामीले प्रहरीकै भ्यानमाथि चढेर सरकारविरुद्ध नारा लगाएका हुन् ।
प्रदर्शनकारीले चौराहामा कोणसभाको तयारी गर्दा प्रहरीले धरपकड गर्न खोजेपछि धामी प्रहरीकै भ्यानमाथि चढेर नारावाजी गरेका हुन् । उनले केपी शर्मा ओली नेतृत्वको सरकारले संविधानको धज्जी उडाएको भन्दै असंवैधानिक कदमहरु नसच्याए जस्तोसूकै कदम उठाउन सकिने चेतावनीसमेत दिए ।