धनगढी । सुदूरपश्चिम प्रदेशका मुख्यमन्त्री कमलबहादुर शाहलाई विश्वासको मत दिन नेपाली काँग्रेस सुदूरपश्चिम संसदीय दलकाे बैठकले ह्वीप जारी गरेकाे छ । यही साउन १५ गते बस्ने सुदूरपश्चिम प्रदेश सभाको बैठकमा मुख्यमन्त्री शाहले बिश्वासको मत लिन लागेकाले ह्वीप लगाइएकाे हाे ।
‘१५ गते साँझ ५ बजे बस्ने सुदूरपश्चिम प्रदेश सभा बैठकमा संसदीय दलका नेता मुख्यमन्त्री शाहको पक्षमा मतदान गर्नका लागि आफ्ना सांसदहरुलाई अनिवार्य उपस्थित हुन, अनिवार्य मतदान गर्न र तटस्थ नरहन राजनीतिक दल सम्बन्धी ऐन २०७३ को दफा २८ बमोजिम निर्देशन (ह्वीप) जारी गरेको छ’ बैठकपछि एक नेताले बताए ।
बाग्मतीमा गुटबन्दीले आफ्नै दलका मुख्यमन्त्री बिरुद्ध अविश्वासकाे प्रस्ताव पेश गरेका काँग्रेस संसदले यहाँ के गर्लान हेर्न बाँकी छ । तर ती नेताका अनुसार सोमबार प्रदेश संसदीय दलको कार्यालयमा बसेको बैठकले सुदूरपश्चिम प्रदेशसभा बैठकमा संसदीय दलका नेता मुख्यमन्त्री शाहको पक्षमा मतदान गर्नका लागि सर्वसम्मत निर्णय गरेको हाे।