धनगढी । नेकपा माओवादी केन्द्रको धनगढीमा हुने पहिलाे प्रदेश सम्मेलनलाई माओवादी अध्यक्ष पुष्पकमल दाहाल ‘प्रचण्ड’ ले गर्दैछन् ।मंसिर २५ र २६ गतेसम्म चल्ने उक्त सम्मेलनकाे एक कार्यक्रमकाबीच अत्याधुनिक प्रविधिको माध्यमबाट उद्घाटन गर्ने नेकपा माओवादी केन्द्रका सुदूरपश्चिम कमिटी इन्चार्ज खगराज भट्टले जानकारी दिए ।
यसअघि उनले सम्मेलनका लागि मञ्च व्यवस्थापन,ब्यानर, स्टिकर, पम्प्लेट होटल व्यवस्थापनजस्ता सबै आवश्यक तयारी पुरा भएको बताए ।सम्मेलनकाे बन्द सर्तबाट २२३ जनाको कमिटी निर्माण गर्ने र पछि १० प्रतिशत थप गरेर कमिटीलाई पूर्णता दिने उनले बताए । महिला ३५ प्रतिशत, युवा २० प्रतिशत दलित १५ प्रतिशत सहितको समावेशी कमिटी निर्माण गरेर सम्मेलन सम्पन्न हुने उनको भनाई छ ।
अबको सम्मेलनले प्रदेशको नीतिगत तथा भौतिक विकासमा समेत भूमिका खेल्ने इन्चार्ज भट्टले बताए।सम्मेलनमार्फत नयाँ प्रदेश कमिटी चयन हुनेछ। सुदूरपश्चिममा माओवादी केन्द्रका करिब १२ सय प्रतिनिधि रहने छन्।
