धनगढी । कैलालीमा रहेका बाैद्धिक अपाङ्गता भएका व्यक्तिहरुकाे अभिभावककाे भेलाले धनगढीका निर्मला बिष्टलाई अध्यक्षमा चयन गरेकाे छ । बाैद्धिक अपाङ्गता अभिभावक संघ कैलालीकाे साेमबार भएकाे तेस्राे बार्षिक सधारणसभा तथा प्रथम अधिवेशनले निर्मलालाई दाेस्राे कार्यकालकालागि अध्यक्षमा चयन गरेकाे हाे ।
धनगढी उपमहानगरपालिका वडा नम्बर ३ बाेराडाँडी बस्ने निर्मला बिष्ट यसअघि पनि साे संस्थाकाे अध्यक्ष नै थिए । यस्तै उपाध्यक्षमा गजेन्द्र धामी, सचिवमा अर्जुन बिष्ट, सहसचिवमा रामबहादुर बाेहरा र काेषाध्यक्षमा जानकी देवी चन्द निर्वाचित भएका छन् । सात सदस्यीय कार्यसमिति सदस्यमा जानकी जाेशी र आशा नेपाली रहेका छन् ।
बाैद्धिक अपाङ्गता भएका अभिभावक महासंघका केन्द्रीय अध्यक्ष राजु बस्नेतकाे प्रमुख आतिथ्यमा भएकाे सम्मेलनकाे उद्घाटन समाराेहमा धनगढी उपमहानगरपालिका ३ नम्बर वडाका अध्यक्ष राजबहादुर ऐरले अपाङ्गता भएका ब्यक्तिसँगै बेसहाराहरुकाे स्थानीय सरकार अभिभावक भएकाले सक्दाे सहयाेग गरिरहने प्रतिबद्धता गरे ।
सीपमुलक तालिमकाे रुपमा एकै मान्छेले धेरै वटा तालिम लिने तर, उदेश्य अनुरुप कुनै ब्यवसाय नगर्ने प्रबृति समाजमा बढ्दाे रहेकाले बजेट खेर गएकाे भन्दै उनले यसमा सचेत रहन आग्रह समेत गरे । कार्यक्रममा राष्ट्रिय अपाङ्ग महासंघ सुदूरपश्चिम प्रदेश सचिब नरदीप धामी लगायत सघसंस्थाका पदाधिकारी तथा प्रतिनिधिहरुले सम्मेलन सफलताकाे कामना गरेका थिए ।