डडेल्धुरा । डडेल्धुराकाे घण्टेश्वर मन्दिर नजिक ट्याक्टर दुर्घटना हुँदा चलककाे मृत्यु भएकाे छ।
आलिताल गाउँपालिका-१ घण्टेश्वर मन्दिर नजिक भिमदत्त राजमार्गमा साहुखर्कबाट गैरा तर्फ जाँदै गरेको से २ त २४३१ नम्बरको ट्याक्टर नालिमा पल्टिएर आज बिहान ३ः३० बजे दुर्घटना भएको हो।
दुर्घटना हुँदा ट्याक्टर चालक कैलालीको घोडाघोडी नगरपालिका-१० पहलवानपुर बस्ने ३० वर्षीय बिशाल चौधरीको मृत्यु भएको छ। ट्याक्टरको टायरमुनी च्यापिन गई चौधरीको घटनास्थलमै मृत्यु भएको जिल्ला प्रहरी कार्यालय डडेल्धुराले जनाएको छ।