धनगढी। यस बर्षकाे मनसुन सुरु भएयता बाढी र पहिराेमा परी सुदूरपश्चिममा ७ जनाको मृत्यु भएकाे छभने ५११ परिवार प्रभावित भएका छन् । बाढी र पहिरोका ४७ घटना घटेका छन्। पहिरोका ३७ र बाढी १० गरेर ४७ घटनामा यस्ताे क्षती भएकाे प्रदेश आपतकालिन कार्यसञ्चालन केन्द्रको विवरणमा उल्लेख छ।
विवरण अनुसार पहिरोमा परेर ५ महिला र एक पुरुषको मृत्यु भइसकेको छ। ८ महिला र ८ पुरुष गरी १६ जना घाइते भएका छन्। पहिरोबाट एक सय २ परिवार प्रभावित बन्न पुगेका छन्। पहिरोका कारण ६ घर आंशिक र ५ घर पूर्ण क्षति भएको सो विवरणमा उल्लेख छ। पहिरोकै कारण ३ कोठ भत्किएर ३१ पशुचौपायामा क्षति पुगेको छ।
यसबाट २ लाख २५ मुल्यको भौतिक क्षति पुगेको समेत पाइएको छ। त्यस्तै बाढीबाट एक महिलाको मृत्यु भएको छ। एक महिला घाइते भएकी छन्। बाढीबाट चार सय ९ परिवार प्रभावित बन्न पुगेका छन्।