बैतडी । गाउँकै महिलामाथि जबरजस्ती करणी गरेकाे आरोपमा बैतडीकाे एक विधालयका मास्टर पक्राउ परेका छन्। पक्राउ पर्नेमा जिल्लाको डिलाशैनी गाउँपालिका १ भवानीश्वरी आधारभूत विद्यालय झलेका प्रधानाध्यापक गोविन्द खडायत रहेका हुन्।
उनलाई स्थानीय महिलामाथि जबरजस्ती करणी आरोपमा प्रहरीले पक्राउ गरेको हो। ४० बर्षीया महिलामाथि जबरजस्तीकरणी उद्योग गरेको आरोपमा खडायत पक्राउ परेका जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले बताए।
पीडितका तर्फबाट साउन १९ गते जबरजस्ती करणी उद्योगको जाहेरी दर्ता भएपछि जबरजस्ती करणी उद्योग कसुर सम्बन्धी मुद्दामा हेडमास्टर खडायतलाई पक्राउ गरेर अनुसन्धान भइरहेको प्रहरी निरीक्षक पाण्डेयले बताए।
जिल्ला अदालत बैतडीबाट सातदिनको म्याद थपेर प्रधानाध्यापक खडायतमाथि अनुसन्धान भइरहेको प्रहरीले जनाएको छ।