कञ्चनपुर। कञ्चनपुरमा नदीमा डुबेर दुई जनाको मृत्यु भएको छ। कञ्चनपुरको बेलौरी स्थित दोदा नदीमा डुबेर दुई जनाको ज्यान गएको छ भने दुई जना घाइते भएका छन्।
शनिवार नदीमा पौडी खेल्ने क्रममा बेलौरी नगरपालिका–४ शान्तिपुर का १७ वर्षीय राजेन्द्र कुँवर र विजय कुँवरको घटनास्थलमै ज्यान गएको प्रहरीले जनाएको छ।
नदीमा डुबेर घाइते भएका समीर सुवेदी र शिशिर बिष्टको उद्धार गरी बेलौरी स्थित श्रीपुर प्राथमिक स्वास्थ्य केन्द्रमा उपचार भइरहेको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक उमेश जोशीले बताए।
