धनगढी। अबैध धन्दा संचालन गरिरहेको कञ्चनपुरको एक रेष्टुरेन्टबाट सञ्चालकसहित ११ जना पक्राउ परेका छन् । जिल्लाको भीमदत्त नगरपालिका-६ ऐठपुर बस्ने ४६ वर्षीय लालबहादुर सिंहले सोही ठाँउमा सञ्चालन गरेको कालिका रेष्टुरेन्टबाट सिंहसहित ११ जुवाडे पक्राउ परेका हुन्।
कानुनी हिसाबमा जुवा तास खेल्नु र खेलाउनु अपराध हो। उनीहरुलाई जुवातास खेलिरहेको अवस्थामा ५७ हजार ३२९ नगद र १३१ पत्ति ताससहित पक्राउ गरेको प्रहीले बताएको छ।
उनीहरुलाई जिल्ला प्रहरी कार्यालय कञ्चनपुरबाट खटिएको टोलीले पक्राउ गरी आवश्यक अनुसन्धान गरिरहेको प्रदेश प्रहरीले जनाएको छ।