धनगढी । सुदूरपश्चिम प्रदेशका मुख्यमन्त्री त्रिलाेचन भट्टले मुक्त कमलहरीकाे जीविकाेपार्जनमा सहज बनाउन प्रदेश सरकार सधैब प्रतिबद्ध रहेकाे बताएका छन् । शनिवार कमलहरी विकास मञ्चकाे ज्ञापनपत्र बुझ्दै मुख्यमन्त्री भट्टले सीपमूलक तालिम तथा आय-आर्जननका स्वराेजारमूलक कार्यक्रममा मुक्त कमलहरी लगायत लक्षित बर्गलाई सरकारले प्राथमिकतामा राखेकाे बताएका हुन् ।
समाजमा रहेका सबै वर्गकाे सम्मानीत अस्थित्व कायम गर्न प्रदेश सरकार लागिपरेकाे भन्दै मुख्यमन्त्री भट्टले समाजकाे सकारात्मक रुपान्तणकालागि यस्ता विषायहरु नीतिगतरुपमै अगाडी बढाएकाे बताए । उनले आफुपनि मजदूर किसान धरातलवाट आएकाेले विपिन्न गरीब तथा गरीखाने मजदूरकाे पक्षमा रहने भन्दै सरकारले यसवर्ष पनि यी वर्गलाई प्राथमिकतामा राखेकाे बताए । उनले भने- ‘ तपाईहरु अगाडी बढ्नुस् पढाई गरिरहेकालाई छात्रबृती र प्राेत्साहन, काम गर्न चहानेलाई स्वराेजगार र लगानी प्रदेश सरकारले दिन्छ ।’
कमलहरी विकास मञ्चले संघीय सरकारसँग भएका सम्झाैता अक्षर: कार्यान्वयन गर्न, मुक्त कमलहरीमा छुट भएकालाई थप्न र जिविकाेपार्जन लगायतका मागहरु सम्बाेधन गर्न मुख्यमन्त्रीलाई मागपत्र बुझाएकाे थियाे । मुख्यमन्त्री भट्टले आफ्नाे सरकारवाट सम्भव हुने कुरामा कमी आउन नदिने भन्दै संघीय सरकारले गर्नुपर्ने कार्यलाई यहाँवाट सिफारिस गर्ने बताए ।
सुदूरपश्चिमका मुख्यमन्त्री भट्टलाई ज्ञापनपत्र बुझाउने कार्यक्रममा कमलहरी विकास मञ्च (दाङ. बाँके. बर्दिया. कैलाली र कञ्चनपुर)का पदाधिकारी तथा सञ्चारकर्मीहरुकाे सहभागिता रहेकाे थियाे भने कार्यक्रममा प्रदेश भूमि व्यबस्था कृषि तथा शहरी विकासमन्त्री बिनीता चाैधरीकाे समेत उपस्थिति रहेकाे थियाे ।