पदम ओझा
बौनिया, कैलाली । कैलालीको बर्दगोरीया गाउँपालिकामा माओवादी केन्द्रको विस्तारीत बैठक सम्पन्न भएको छ । आईतबार भएको विस्तारीत बैठकमा कैलाली क्षेत्र नंम्बर २ (ख) का सांसद नन्द बहादुर साउद र नेकपा माओबादी केन्द्रका जिल्ला अध्यक्ष लालबहादुर सोडारी (दर्शन) ले सम्बोधन गरेका थिए ।
कार्यक्रममा नेपाली कांग्रेसबाट बर्दगोरीया गाउँपालिकाको कार्यपालिका सदस्यमा मनोनित भएका टेकबहादुर मिजार माओवादी केन्द्रमा प्रवेश गरेका छन् । 
मिजारलाई माओवादी केन्द्रका माननिय नन्दबहादुर साउद र जिल्ला कमिटि अध्यक्ष लाल बहादुर सोडारी (दर्शन)ले दोसल्ला ओढाएर पार्टी प्रवेश गराएका हुन् ।
उनीसँगै नेकपा एमाले वडा नं. ६ का वडा कमिटि सचिव ज्ञानी थापा पनि माओवादी केन्द्रममा प्रवेश गरेका छन् । यस्तै मिजार र थापा सहित नेपाली काङ्ग्रेस र नेकपा एमाले बाट करिब ४ दर्जन बढी जना नेकपा माओवादी केन्द्रमा प्रवेश गरेका हुन ।
बर्दगोरीया गाउ कमिटि अध्यक्ष रामबहादुर साउदको अध्यक्षतामा भएको कार्यक्रममा माओवादी केन्द्रका जिल्ला कमिटि सदस्य, बर्दगोरीया गाउँ कमिटि सदस्यहरुको सहभागिता रहेको थियो । कार्यक्रमको संचालन मोआवादी केन्द्रका नेता तथा वडा नं. ६ का अध्यक्ष रामकृष्ण डगौरा थारुले गरेका थिए ।