धनगढी । धनगढीमा हुने दोस्रो कैलाली अस्पताल सुदूरपश्चिम स्पोर्टस अवार्डका सात विधाको मनोनयन सार्वजनिक गरिएको छ । वर्ष २०७६ मा वर्षभरिको प्रदर्शनका आधारमा अवार्ड आयोजक नेपाल खेलकुद पत्रकार मञ्च कैलालीले अवार्ड दिईने ९ विधामध्ये सात विधाको मनोनयन सार्वजनिक गरिएको हो ।
यसअघि दुई पटक पत्रकार सम्मेलन गर्दै चार विधाको मनोनयन सार्वजनिक गरिएकोमा विहीबार थप तीन विधाको मनोनयन सार्वजनिक गरिएको हो । विहीवार धनगढीमा पत्रकार सम्मेलनको आयोजना गरी नवजीवन हस्पिटल बर्ष पुरुष खेलाडी, नोभा हस्पिटल बर्ष महिला खेलाडी र दिनेश सोप बर्ष प्रशिक्षक विधाको मनोनयन सार्वजनिक गरिएको हो ।
कैलाली हस्पिटल दोस्रो सुदूरपश्चिम स्पोर्टस अवार्डको बर्ष पुरुष विधा प्रायोजक नवजीवन हस्पिटलका सञ्चालक योगेन्द्र ओझा, नोभा हस्पिटलकी प्रशासकीय अधिकृत सुमन भट्ट र दिनेश सोपका ब्रान्ड निर्देशक आदित्य हमालले मनोनयन सार्वजनिक गरे ।