धनगढी । कैलालीको हसुलियामा आजदेखि थरुहट/थारुवान राष्ट्रिय मोर्चाको विशेष राष्ट्रिय सम्मेलन सुरु भएको छ ।देशभरका थारुको प्रतिनिधित्व हुने विभिन्न संघ संस्थाहरुको सम्मेलन शनिबारदेखि कैलालीमा सुरु भएको हाे ।
शनिबार र आइतबार गरी दुई दिनसम्म चल्ने उक्त विशेष सम्मेलनमा रेशम चौधरीसहित संविधान बारेमा थारु समुदायमा रहेको असन्तुष्टि समेत समेटी घोषणापत्र सार्वजनिक गर्ने कार्यक्रम रहेको छ ।सम्मेलनकाे आज एक कार्यक्रमकाबीच जनता समाजवादी पार्टी (जसपा) का नेता राजेन्द्र महतोले उद्घाटन गरेका छन्। 
उद्घाटनपछि बन्दसत्र सुरु हुने र घोषणापत्र जारी गर्दै सम्मेलन सम्पन्न हुने आयोजकले जानकारी दिएको छ।
सम्मेलनमा पूर्व मेचीदेखि पश्चिम महाकालीका थारु समुदायका व्यक्ति, पहिचानवादी राजनीतिक दल र संघसंस्थाका प्रतिनिधिसहित ५० हजारको सहभागिता रहेकाे आयोजकले दाबी गरेको छ । मोर्चाका प्रवक्ता मीनराज थारूका अनुसार सम्मेलन उद्घाटनका क्रममा थरूहट युवा दस्ताले मार्च पास गरेका थिए।