Dashain Suvakamana

श्रीमान् बिदेशमा श्रीमती घरमा मृत फेला, प्रहरी पक्राउ

Ajai

डडेल्धुरा । डडेल्धुरा बजारमा महिला मृत भेटिएको घटनामा एक जना प्रहरी पक्राउ परेका छन् । जिल्लाको अमरगढी नगरपालिका–४ बस्ने भागेश्वर गाउँपालिकाकी सरिता गिरी मृत भेटिएको घटनामा प्रहरी चालक यज्ञ साउदलाई पक्राउ गरिएकाे प्रहरीले जनाएको छ ।

साउद जिल्ला प्रहरी कार्यालयमा कार्यरत थिए । मृत्युअघि गिरीले सामाजिक सञ्जालमा ती प्रहरीसँगकाे सम्बन्ध खुल्नेगरि कुराहरू उल्लेख गरेकी छन्। साेही आधारमा उनलाई नियन्त्रणमा लिएर अनुसन्धान थालिएको जिल्ला प्रहरी कार्यालयले जनाएको छ ।

मृतकका श्रीमान् भने ९ बर्षदेखि वैदेशिक रोजगारीमा रहेको खुलेकाे छ । मृतक महिला र पक्राउ परेका साउदबीच अनैतिक सम्बन्ध रहेकाे प्रारम्भिक अनुसन्धानले देखाएको प्रहरीकाे भनाइ छ । मृतक गिरीले सुसाइड नोटमा पीडादायी शब्दमा लेखेकी छन्, ‘मलाई मर्न बाध्य बनाइस, मरेर के गर्छस् गर भनिस…’ उनले आफूसँग भएको पैसा र सुनसमेत उक्त प्रहरीले लगेको दाबी गर्दै छोराको भविष्यप्रति चिन्ता व्यक्त गरेकी छन्।

नोटमा लेखिएको छ, ‘मसँग भएको पैसा सबै लगिस, आफ्नो घर बनाइस। मैले दिएको त्यहीँ पन्ध्र लाख रुपैयाँ मेरो छोरालाई दिनु। कसैले पढाइ देलान्। आमा भएर जन्म दिएँ तर तिमीलाई हुर्काउन सकेन, छोरा माफ गरिदिनु। तिमीले लगेको सुन पनि मेरो छोरालाई दिनु।’

सम्बन्धित पाेस्टहरु
प्रतिक्रिया दिनुहोस

Your email address will not be published.