नेपाली कांग्रेसले बाँकी रहेका १६ जिल्लाकाे अधिवेशन आउँदाे फागुन १३ मा गर्ने भएकाे छ । पार्टीकाे केन्द्रीय निर्वाचन समितिकाे बैठकले आज शुक्रवार याे निर्णय गरेकाे हाे । सुदूरपश्चिमका कैलाली अछामसहित १६ जिल्लामा फागुन १३ भित्र अधिवेशन सम्पन्न गर्ने तयारी रहेकाे कार्यालयका सचिव केशव रिजालले निकालेकाे विज्ञप्तिमा जनाइएकाे छ ।
उनका अनुसार सप्तरी, सिरहा, धनुषा, महाेत्तरी, सर्लाही, राैतहट, बारा, पर्सा, सिन्धुली, मकवानपुर, सिन्धुपाल्चाेक, चितवन, नवलपुर, बाँके, कैलाली र अछाममा कांग्रेस जिल्ला अधिवेशन हुन बाँकी रहेकाे छ ।
यसअघि काेराेना भाइरस सङ्क्रमणका कारण कांग्रेसले यी जिल्लामा अधिवेशनकाे मिति सार्दै आएकाे थियाे ।
