धनगढी । धनगढीलाई खेलकुदको शहरको रुपमा विकास गर्ने अवधारणा अनुसार चैत ३ गतेदेखि मेयर-उपमेयर कप क्रिकेट प्रतियाेगिता सुरु हुने भएकाे छ । आइतबार धनगढीमा पत्रकार सम्मेलनमार्फत प्रतियोगितामा धनगढी नगर क्षेत्रका सरकारी तथा निजि विद्यालयहरु गरि ३० टोलीको सहभागीता रहने प्याब्सन धनगढी नगर समितिले जानकारी दिएकाे हाे ।
साेप्रतियाेगीतामा छात्रतर्फका १९ टिम र छात्रातर्फका ११ टिमले भाग लिने प्रतियोगिताका संयोजक उदय प्रताप सिंहले जानकारी दिए । टी-२० को फरम्याटमा हुने प्रतियोगिता नकआउटका आधारमा सञ्चालन हुनेछ। संयोजक सिंहका अनुसार प्रतियोगिताको छात्र तथा छात्रा तर्फको विजेतालाई नगद १ लाख १ हजार १ सय ११ सहित ट्रफि, मेडल र प्रमाणपत्र प्रदान गरिनेछ भने उपविजेतालाई ५१ हजार १ सय ११ सहित ट्रफि, मेडल र प्रमाणपत्र प्रदान गरिनेछ ।
प्रतियोगिता आयोजना गर्नका लागि झण्डै २१ लाख खर्च हुने अनुमान गरिएकोले त्यसमा झण्डै ६ लाख धनगढी उपमहानगरपालिकाको तर्फबाट सहयोग हुनेछ। प्रतियोगिताले सरकारी तथा नीजि विद्यालयका विद्यार्थीहरुको प्रतिभा प्रस्फुटन गराउन सहयोग पुग्ने विश्वास लिएको धनगढी उपमहानगरपालिकाका मेयर नृपवहादुर ओडले बताए।