धनगढी । कैलाली प्रहरीमा कार्य सम्पादनमा उत्कृष्ट भएका प्रहरी जवान गजेन्द्र बोहरा सम्मानित भएका छन्। जिल्ला प्रहरी कार्यालयमा कार्यरत प्रहरी जवान बोहरालाई उत्कृष्ट प्रहरी घोषित गर्दै सम्मान गरिएको हो।
बोहरालाई बुधबार जिल्ला प्रहरी कार्यालयका प्रमुख अनुपम शमशेर जबराले उत्कृष्टताको प्रशंसा पत्र सहित सम्मान गरेका हुन्। क्यूआरटी टोलीमा रहेर विभिन्न चाेरी, भन्सार छली सामानहरु बरामद तथा नियन्त्रणमा उत्कृष्ट भूमिका निर्वाह गर्नुकासाथै आफुलाई तोकिएको जिम्मेवारी पुर्ण इमान्दारी साथ पुरा गरेर प्रहरीको छवीलाइ उच्च पार्न उल्लेखनिय योगदान गर्नु भएको बोहरालाइ प्रदान गरिएको प्रशंसा पत्रमा उल्लेख छ।