आलिताल । सुदूरपश्चिम प्रदेश सरकारका सामाजिक विकासमन्त्री झपटबहादुर साउँदले खेल र खेलाडीको सर्वाङिण विकासका लागि प्रदेश सरकार प्रतिबद्ध रहेको बताएका छन् । आइतबार डडेल्धुराको आलितालमा आयोजित राष्ट्रपति रनिङ्ग शिल्ड प्रतियोगीताको उदघाटन समारोहमा मन्त्री साउँदले सो कुरा बताएका हुन् ।
भोलिका कर्णधार युवालाई सचेतना र खेलकूदका माध्यमबाट समाज रुपान्तरण गर्न तयार बनाउन प्रदेश सरकार तयार रहेको बताए। स्वास्थ्य युवा नै आफ्नो ब्यक्तित्व र गाउँ समाजकालगि केही गर्नसक्ने भएकाले शाररीक र मानसिकरुपमा बलियो, तन्दुरुस्त रहन खेलकूद मानव जीवनकालागि महत्वपूर्ण रहेको बताए ।
खेल स्वास्थ्य र राष्ट्रका लागि महत्त्वपूर्ण रहने भन्दै युवाहरुलाई कुलतबाट जोगाउन पनि खेलकूदमा लगानी बढाउनुपर्नेमा उनले जोड दिए । खेलले खेलाडीलाई मात्र नभएर राष्ट्रलाई राष्ट्रिय तथा अन्तर्राष्ट्रिय क्षेत्रमा चिनाउने भएकाले पनि खेलप्रती खेलाडीको लगनशीलता, पर्याप्त अभ्यास, अनुशासन हुनुपर्ने र यस्तो वातावरणको सिर्जना गर्न सरकार र सम्बन्धित निकायबाट पर्याप्त लगानी गर्न आवश्यक रहेको उनको भनाई थियो।
