धनगढी । बुवाको हत्या गरेको आरोपमा छोरा पक्राउ परेका छन्। कञ्चनपुरको पुनर्वास नगरपालिका–४ कार्कीचोकका ३० वर्षीय गणेश खडका पक्राउ परेका हुन् ।
घरायसी विवाद हुँदा सोमबार राति गणेशले आफ्नै ७१ वर्षका बुवा धनबहादुर खड्कामाथि चिर्पट प्रहार गरेको सूचनापछि आज मङ्गलवार बिहान हत्या आरोपमा उनलाई पक्राउ परेको जिल्ला प्रहरी कार्यालय कञ्चनपुरले जनाएकाे छ ।
जिल्ला प्रहरी कार्यालय कञ्चनपुरका सूचना अधिकारी प्रकाश डाँगीका अनुसार बुवाको हत्या गरेर भाग्न खोजेका गणेश अहिले प्रहरीको नियन्त्रणमा छन्। घटनाबारे थप अनुसन्धान गरिरहेको प्रहरीले जनाएको छ।