रविको पद गएपछि डोलप्रसादलाई सबै जिम्मेवारी

उपप्रधान तथा गृहमन्त्री एवम् राष्ट्रिय स्वतन्त्र पार्टीका सभापति रवि लामिछानेको जिम्मेवारीमा रहेका सबै पद श्रम,रोजगार तथा सामाजिक सुरक्षामन्त्री एवम् पार्टी उपसभापति डोलप्रसाद अर्याललाई दिइएको छ ।

सर्वोच्च अदालतको संवैधानिक इजलासले रविको दोहोरो नागरिकताको विषयमा हिजो कैफियत देखाएपछि कार्यवाहक अर्याललाई कार्यवाहक सभापति बनाइएको छ । त्यसैगरी पार्टी संसदीय दलको नेतामा पनि उनै अर्याललाई चयन गरेको छ ।उक्त पार्टी केन्द्रीय समितिको हिजो राति साढे ९ बजे बसेको आकस्मिक बैठकले ती जिम्मेवारी तोक्ने निर्णय गरेको हो ।

सर्वोच्चको आदेशानुसार लामिछानेले प्रक्रिया पूरा गरेर नयाँ नागरिकता लिन सक्छन् । तर, अमेरिकी नागरिकता लिएपछि निष्क्रिय भएको २०५० सालको नागरिकता प्रयोग गरेर उनी चितवन २ बाट सांसदमा विजयी भएका हुन् । आदेशपछि पार्टी सभापति,सांसद,मन्त्री सबै पदबाट हटेका छन् ।

adventure
सम्बन्धित पाेस्टहरु
प्रतिक्रिया दिनुहोस

Your email address will not be published.