धनगढी । लुम्बिनी प्रदेशले १२ औं केन्द्रीय स्तरीय राष्ट्रपति रनिङ सिल्ड खेलकुद प्रतियोगिताको उपाधि जितेको छ । राष्ट्रिय खेलकुद परिषद् (राखेप) को आयोजनामा भएको प्रतियोगितामा लुम्बिनीले १६ स्वर्ण, ११ रजत र ११ कांस्य जित्दै उपाधि रक्षा गरेको हो ।
१६ स्वर्ण, ९ रजत र २० कांस्यसाथ बागमती प्रदेश दोश्रो तथा ८ स्वर्ण, ९ रजत र ८ कांस्यसाथ सुदूरपश्चिम प्रदेश तेश्रो भएकाे छ। ५० स्वर्णका लागि भएको प्रतिस्पर्धामा गण्डकी र कर्णालीले समान ५–५ स्वर्ण हात पारे ।
प्रतियोगितामा ४ कीर्तिमान बने । चारै कीर्तिमान लुम्बिनीका खेलाडीले बनाएका छन् । तीनदिने प्रतियोगितामा एथलेटिक्स, भलिबल, कबड्डी, कराते, तेक्वान्दो र उसुमा ५ सय खेलाडीले प्रतिस्पर्धा थियो ।
जस अन्तर्गत उक्त प्रतियोगितामा उत्कृष्ट प्रदर्शनका साथ सुदूरपश्चिम प्रदेशका लागि एथलेटिक्सतर्फ ज्योती जोशिले सटपुटमा स्वर्ण पदक दिलाएकी छन् । यसरी छात्रामा लक्ष्मी साउँदले ४०० मिटरमा दौड र १००×४ रिले दौडमा रजत र २०० मिटरमा कांस्य पदक दिलाएकी छन् । भने छात्र तर्फ १००×४ रिले दौड मा आशिष महरले रजत पदक दिलाएका छन् ।