धनगढी । सत्ता गठबन्धनकाे दाेस्राे ठूलाे दल नेकपा (माओवादी केन्द्र)का अध्यक्ष पुष्पकमल दहाल (प्रचण्ड) धनगढी आउने भएका छन् । केन्द्रीय बैठककाे भाव अनुसार पार्टी कार्यकर्तालाई स्थानीय चुनाब केन्द्रीत गराउन धनगढीमा यही ३० गतेदेखि आयाेजना हुने सुदूरपश्चिम प्रदेशस्तरीय राजनीतिक प्रशिक्षण दिन आउन लागेका हुन् ।
पार्टी अध्यक्ष आउने र प्रशिक्षण कार्यक्रमबारे सुदूरपश्चिम प्रदेश कमिटीका सचिब जनकवहादुर बुढाले समाजिक सञ्जालमा सूचना जारी गर्दै यहि फाल्गुन ३० गते धनगढीमा नेपाली क्रान्तिका नायक हाम्रो गौरवशाली पार्टीका अध्यक्ष कमरेड प्रचण्डको प्रमुख आथित्यतामा हुने सुदुरपश्चिम प्रदेश स्तरीय अगुवाकार्यकर्ता प्रशिक्षण भेलामा उपस्थितिकोलागि अनुराेध गरेका छन् ।
उनले भनेका छन- प्रशिक्षणमा सुदुरपस्चिम कार्यक्षेत्रभएका केन्द्रिय सदस्यहरु, केन्द्रिय आयोगका सदस्यहरु, केन्द्रिय सल्लाहकार, जेष्ठ कम्युनिस्ट मंचका केन्द्रिय सदस्यहरु, केन्द्रिय बिभागका सदस्यहरु, प्रदेश कमिटीका सदस्यहरुलाई उपस्थितिकोलागि हार्दिक अनुरोध गरिन्छ।
यस्तै साे प्रशिक्षण भेलामा जिल्ला समन्वय समितिका सदस्यहरु, प्रदेश तथा जिल्ला कमिटीका पुर्ब सदस्यहरु, पालिकाका पदाधिकारीहरु, स्थानीय तहका निर्बाचित प्रमुख / उपप्रमुख, वडा अध्यक्षहरु तथा कार्यपालिकासदस्यहरु, जबस मोर्चाका केन्द्रिय सदस्यहरु, जबस/ मोर्चाका प्रदेश पदाधिकारीहरुको उपस्थितिकोलागि अनुरोध गरिएकाे छ।