धनगढी । सुदूरपश्चिम प्रदेशका मुख्यमन्त्री त्रिलोचन भट्टले धनगढीस्थित त्रिनगर नाकामा बन्दै गरेकाे हाेल्डिङ सेन्टरकाे अनुगमन गरेका छन् । निर्माणकाे जिम्मा पाएकाे नेपाली सेनाकाे काम राम्राे रहेकाे भन्दै उनले ताेकिएकाे समयभित्रै सक्न समेत निर्देशन गरे ।
अनुगमनका क्रममा मुख्यमन्त्री भट्टले भवन निर्माणसँगै हाेल्डिङ सेन्टरलाई आवश्यक पर्ने अन्य सामाग्रीहरु के के चाहिन्छन् याेजनासहित प्रदेश सामाजिक मन्त्रालयमा बुझाउन स्थानीय धनगढी उपमहानगरलाई आग्रह गरेका छन् । साेही क्रममा स्थानीय जनप्रतिनिधी तथा समाजका अगुवाहरुले नदी कटानले जाेखिम पारेकाे देखाउदै स्थायी तटबन्धनकाे माग गरेका थिए ।
स्थलगत अवलाेकनमा रहेका मुख्यमन्त्री भट्टले मोहना नदी कटान जोखीम न्युनिकरणका लागि ७ सय मिटर नदी नियन्त्रण कार्य गर्ने प्रतिवद्धता गरेकाे ३ नम्वर वडाका वडाअध्यक्ष बलवहादुर ऐरले बताए ।
अनुगमनमा मुख्यमन्त्री भट्टसँगै सामाजिक विकासमन्त्रि लालवहादुर खडका, धनगढी उपमहानगरपालिका प्रमुख नृपवहादुर वड, कैलाली जिल्लाका प्रमुख जिल्ला अधिकारी, नेपाल सेना, नेपाल प्रहरी तथा शसस्त्र प्रहरीका सुदूरपश्चिम प्रदेश प्रमुखहरु, धनगढी वार्ड नं ३ का वाडअध्यक्ष वलवहादुर ऐर तथा जनप्रतिनिधिहरु र स्थानीय बासिन्दाहरुको सहभागिता रहेकाे थियाे । 