नेपालले चाईनिज ताईपेईलाई हराएको छ । फिफा विश्वकप २०२२ तथा एसियन कप २०२३ अन्तर्गत दोस्रो चरणको छनोट खेलमा नेपालले बिहीबार राती ताईपेईमाथि २-० गोलको सहज जित निकालेको हो ।
कुवेत सिटीको जाबेर अल अहमद रंगशालामा नेपाललाई जिताउन अन्जन विष्ट र नवयुग श्रेष्ठले गोल गरे । समूह बी मा दोस्रो जितपछि नेपालले ६ खेलबाट ६ अंक नै जोडेको छ । यसअघि पनि नेपालले चाइनिज ताइपेई विरुद्ध नै ३ अंक जोडेका थिए ।
नेपालले अब जेठ २४ गते जोर्डन र जेठ २८ गते अष्ट्रेलियासंग खेल्नेछ ।