धनगढी । लागुऔषधसहित कञ्चनपुर प्रहरीले एकजना युवकलाई पक्राउ गरेको छ ।विशेष सूचनाका आधारमा जिल्ला प्रहरी कार्यालय र मातहतबाट खटिएको टोलीले वेदकोट नगरपालिका-७ को लालपुरबाट लागुऔषध खैरो हिरोइनसहित सोही ठाउँका २५ वर्षीय प्रविन चौधरीलाई पक्राउ गरेको हो ।
जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले चौधरीको साथबाट ०.२७ ग्राम खैरो हिरोइन बरामद गरिएको जानकारी दिए ।उनलाई हिरासतमा राखेर आवश्यक अनुसन्धान भइरहेको प्रहरी नायव उपरीक्षक थापाले बताए । उता सशस्त्र प्रहरीबल नेपाल नम्बर ३५ गण हेडक्वाटर शैलेश्वरी कञ्चनपुर मातहत बोर्डर आउट पोष्ट पचुई, बयलबन्दा, दोधाराचाँदनी, झिलमिला र थापाचोकबाट खटी गएका पैदल सीमा गस्ति टोलिले भन्सार छली ल्याइएका सामान ४ लाख ६६ हजार १४० मुल्य बराबरको सामान बरामद गरेको छ ।
भन्सार छली ल्याइएका चिनी, किराना सामान, मल, बिउभिजन, मैदा प्लाष्टिक, खेत जोत्ने हैरो, माछा र मोटरसाइकलसहितको सामान बरामद गरिएकाे र बरामद गरिएको माछा पशु क्वारेन्टाईन कार्यालय बेलौरी र अन्य सामान आवश्यक कानुनी कारवाहीको लागि कञ्चनपुर भन्सार कार्यालय गड्डाचौकीमा बुझाईएको सशस्त्र प्रहरीले जनाएको छ।