धनगढी । नेपाली काँग्रेसका महामन्त्री डाक्टर शशांक कोइरालाले प्रधानमन्त्री केपी ओलीले आफू हार्ने चुनाव नगराउने बताएका छन्। शनिबार सुदूरपश्चिम प्रदेशको राजधानी धनगढीमा आयोजित कार्यकर्ता भेटघाट कार्यक्रममा उनले वैशाख १७ र २७ मा तोकिएको निर्वाचन असम्भव भएको बताएका हुन् ।
महामन्त्री कोईराललाले भने, ‘वैशाखमा निर्वाचन भए नेकपा हार्ने निश्चित छ, त्यसैले ओलीले आफू हार्ने निर्वाचन गराउँदैनन्।’ ओली गिरीजावावु नभएकाे भन्दै, ‘गिरिजाबाबुले काँग्रेसले निर्वाचन हारे पनि देश हार्नु हुँदैन भनेर निर्वाचन गराए तर कम्युनिष्टहरु देशभन्दा आफूलाई प्राथमिकतामा राख्छन्, त्यसैले ओलीले वैशाखमा निर्वाचन गराउँदैनन्।’
प्रधानमन्त्री ओलीले प्रतिनिधि सभा विघटन गरेर संविधान कुल्चिएको बताउँदै महामन्त्री कोइरालाले संविधानको रक्षाका लागि आन्दोलन गर्नुपर्ने उल्लेख गरे। उनले काँग्रेस दोधारमा नबस्ने र संविधान बचाउन आन्दोलन गर्ने बताए।