नेपाली कांग्रेसका सभापति एवं प्रधानमन्त्री शेरबहादुर देउवाको गृह जिल्लामा क्रियाशील सदस्यतामा देखिएको विवाद समाधान गर्न नेपाली कांग्रेसका उपसभापति विमलेन्द्र निधिले आग्रह गरेका छन् ।
उनले सभापति देउवालाई पत्र लेख्दै डडेल्धुरामा देखिएको क्रियाशील सदस्यता विवाद समाधानपछि मात्रै अधिवेशन प्रक्रिया अगाडि बढाउन आग्रह गरेका हुन् ।
‘ विवादको समाधान नगरी अधिवेशन र निर्वाचन गराउनु सर्वथा अनुचित देखिने हुँदा तत्काल क्रियाशील सदस्यता सम्बन्धी विवाद समाधान गरेर मात्र अधिवेशन प्रक्रिया अगाडि बढाउन सम्बन्धित सरोकारवालालाई निर्देशन वा मार्गदर्शनका लागि विनम्र अनुरोध गर्दछु,’ निधिको पत्रमा उल्लेख छ ।