तराईमा गर्मि बढ्नथाल्याे, सतर्कता अपनाउन विज्ञहरुकाे सुझाव

धनगढी । पछिल्लाे केही दिनयता बढेको उच्च तापक्रमका कारण तराईकाे जनजीवन प्रभावित भएकाे छ। यसले गर्दा शिक्षण संस्था धमाधम बन्द हुन थालेका छन् भने अस्पताहरुमा विरामीकाे संख्या बढ्दै गएकाे छ।

जल तथा मौसम विज्ञान विभागले जनाए अनुसार देशका अधिकांश भागमा तापक्रम बढ्ने क्रम साताभर जारी रहने सम्भावना छ। पूर्व र पश्चिम तराईको तुलनामा मध्य तराईमा ताताे हावा (लू ) अझै साताभर रहने अनुमान गरिएको छ। मध्य तराई छोएको सप्तरीदेखि भैरहवासम्मको भूभागमा लूको प्रभाव अत्यधिक  छ। मौसमविद् गोविन्द झाले यी क्षेत्रमा बढ्दो क्रममा रहेको तापक्रम ४३ डिग्री सेल्सियस हुँदै उच्चतर्फ अग्रसर रहेको बताए। मध्य क्षेत्रका १६ भन्दा बढी जिल्लामा लू चलेको छ। 

जलवायु विश्लेषक इन्दिरा कँडेलका अनुसार आगामी केही दिनसम्म तराईका धेरै जसो भूभागमा अधिकतम र न्यूनतम तापक्रम क्रमिक रूपमा बढ्दै जाने छ। तराईमा पाँच दिनसम्म तातो हावा चल्ने भएकाले सोबाट बच्ने उपाय अपनाउन उनले सुझाव दिइन्।

स्वास्थ्य विज्ञका अनुसार लू लाग्दा शरीर शिथिल हुँदै जाने, थकाइ लाग्ने, कमजोरी हुने, बढी तिर्खा लाग्ने, टाउको दुख्ने, खुट्टा बाउँडिने, चक्कर आउने, बेहोस हुने, मांसपेशी दुख्ने, बान्ता हुने आदि लक्षण देखापर्छ।

adventure
सम्बन्धित पाेस्टहरु
प्रतिक्रिया दिनुहोस

Your email address will not be published.