सुदूरपश्चिम प्रदेशसभा समानुपातिक मत कुन दलकाे कति ?

धनगढी । मंसिर ४ को निर्वाचनअन्तर्गत प्रत्यक्षतर्फको मतगणना अन्तिम चरणमा पुगेको छ। यता सुदूरपश्चिममा प्रदेशसभा सदस्य समानुपातिक सिटतर्फ मतगणना जारी रहेको छ। निर्वाचन आयोगको पछिल्लो जानकारी अनुसार सुदूरपश्चिममा ७ लाख ६६ हजार ३६६ मत गणना भएको छ।

जसमा नेकपा एमालेले अग्रता बनाएको छ। एमालले हालसम्म २ लाख ४० हजार ४८२ मत ल्याएको छ। दोस्रोमा रहेको नेपाली कांग्रेसले २ लाख २६ हजार ३६९, तेस्रोमा रहेको नेकपा माओवादीले १ लाख ८ हजार २९६ मत पाएको छ।

त्यस्तै चौथोमा रहेको नागरिक उन्मुक्ति पार्टीले ६० हजार ३६, नेकपा एकीकृत समाजवादीले ३९ हजार ७७९, राप्रपाले ३२ हजार ३४४, कांग्रेस वीपीले ६ हजार ७८०, राष्ट्रिय जनमोर्चाले ४ हजार २५९ मत ल्याएका छन।

प्रदेशको समानुपातिक निर्वाचनमा ३४ पार्टीले सहभागिता जनाएकोमा अन्य दलले जम्मा २८ हजार २१ मत ल्याएका छन।

सम्बन्धित पाेस्टहरु
प्रतिक्रिया दिनुहोस

Your email address will not be published.