धनगढी । पट्टा भाँचिएपछि अनियन्त्रित भई काठमाडौं जाँदै गरेको बस दाङको लमहीमा दुर्घटना भएको छ। सुर्खेतबाट काठमाण्डाैं जाँदै गरेकाे प्रदेश ०२-००१ख०२१९ नम्बरको बस दुर्घटनामा परी २९ जना घाइते भएको दाङ प्रहरीले जनाएको छ।
बस लमही नगरपालिका वडा नम्बर ३ नारायणपुरमा बिहान करिब पौने दुई बजे दुर्घटनामा परेको हाे। घाइतेहरूको उपचार लमही अस्पतालमा भइरहेको र केहीलाई थप उपचारको लागि कोहलपुर पठाइएको दाङ प्रहरीले जनाएको छ।
बस चालक प्रहरीको नियन्त्रणमा रहेका छन्। बसमा ३९ यात्रु सवार थिए।