धनगढी । कैलाली जिल्लामा थप १ साता निषेधाज्ञा लम्ब्याइएको छ। कोरोना भाइरसको संक्रमण नघटेकाे भन्दै जिल्ला कोभिड–१९ संकट व्यवस्थान केन्द्र (डीसीसीएमसी)ले थप १ साता निषेधाज्ञा थप गर्ने निर्णय गरेसँगै जेठ २० गतेसम्म निषेधाज्ञा थप गरिएको जिल्ला प्रशासन कार्यालय कैलालीले जनाएको छ।
कैलालीमा गत वैशाख १६ गतेदेखि निरन्तर निषेधाज्ञा जारी छ । विश्वव्यापी महामारीको रूपमा फैलिएको नयाँ भेरियन्टसहितको कोभिड–१९ को संक्रमण जिल्लामा समेत तीव्र रूपमा बढ्दै गइरहेको भन्दै निषेधाज्ञा लम्ब्याइएको जिल्ला प्रशासन कार्यालय कैलालीले जनाएको छ।