संसद पुर्नस्थापना भए संसदमा र चुनाब भए निर्वाचनमा:काँग्रेस नेता बस्नेत

धनगढी । नेपाली काँग्रेसका केन्द्रीय सदस्य तथा पूर्व मन्त्री मोहन बस्नेतले आफूहरू चुनाव भए निर्वाचनमा जान तयार रहेको बताएका छन् । प्रतिनिधि सभा विघटनविरुद्ध नेपाली कांग्रेसले सोमबार धनगढीमा गरेकाे प्रदर्शनलाई सम्बाेधन गर्दै उनले भने संसद पुर्नस्थापना भए संसदमा जाने बताएका हुन् ।

निर्वाचनमा जानुपर्ने अवस्था आए काँग्रेस पछि नपर्ने बताउदै उनले भने- ‘चुनावमा जाने अवस्था आए हामी निर्वाचनमा जान्छौँ, प्रतिनिधिसभा पुन स्थापना भए पनि हामी स्वीकार गर्छौ’ उनले भने । निर्वाचनमा जाने अवस्था आए कुनै पनि दलहरूसँग सहकार्य नगर्ने उनले स्पष्ट पारे । ‘कम्युनिस्टसँग हाम्रो सहकार्य हुँदैन’ उनले भने ‘काँग्रेस एकलै चुनावमा लड्छ र बहुमत ल्याउँछ ।’

प्रधानमन्त्री केपी शर्मा ओलीले चालेको कदम असंवैधानिक भएको भन्दै कांग्रेसले देशभर प्रर्दशन गर्दैआएकाे र जनताले कम्युनिस्टलाई जिताएर दुई तिहाइ नजिकको सरकार बनेपछि देशमा सुशासन भन्दा बढी कुशासन भएको उनको आरोप थियो । देशभर बलात्कार हत्या जस्ता जघन्य अपराध बढिरहे पनि सरकारले घटनामा संलग्नहरूलाई पक्राउ गर्न नसकेको उनले आरोप लगाए ।

‘कञ्चनपुरमा निर्मला र बैतडीमा भागरथीको बलात्कार पछि हत्या भयो तर, सरकारले दोषी पक्राउ गर्न सकेको छैन’ उनले भने ‘यो पनि सरकारको कमजोरी हो ।’

adventure
सम्बन्धित पाेस्टहरु
प्रतिक्रिया दिनुहोस

Your email address will not be published.