धनगढी। विभिन्न १२ घटक मिलेर बनेको नेपाली कम्युनिस्ट पार्टीले देशभर पार्टी एकता सन्देश सभा आयोजना गर्नेक्रममा भाेलि मङ्सिर १२ गते कैलालीको धनगढीबाट सुरु गर्दैछ । पार्टीकाे सुदूरपश्चिम प्रदेशस्तरीय उक्त सभामा ५० हजारबढी जनाकाे उपस्थिति गराइने तयारी भैइरहेकाे बताइएकाे छ ।
धनगढीमा आयोजना हुने सभाको संयोजन डा. भीम रावलले गर्दैछन् भने सभालाई व्यबस्थित र सफल पार्न बिभिन्न १३ वटा उपसमिति गठन गरिएकाे प्रचारप्रसार उपसमितिका संयाेजक लक्षीराम आचार्यले जानकारी दिए । उनले करिब ५० हजार जनाकाे उपस्थिति हुने गरी कार्यक्रम तयारी भैइरहेकाे बताए। १२ गते दिउँसो धनगढीकाे चाैराहा र क्याम्पस चाेकबाट आउने र्याली १२ः३० बजे रङ्गशालाको दक्षिण क्षेत्रमा सभा गर्ने र कार्यक्रमको लागि विभिन्न १३ उपसमिति गठन गरि सभालाई व्यबस्थिपत गरिने उनकाे भनाई छ।
प्रचार समिति संयोजक आचार्यले नेकपाका संयोजक पुष्पकमल दाहाल प्रचण्ड र सहसंयोजक माधव कुमार नेपाल लगाएतका नेताहरु झलनाथ खनाल, वामदेव गौतम नारायणकाजी श्रेष्ठ र भीम रावलले सम्बोधन गर्ने बताए ।
यी हुन् उपसमितिका संयोजक र सहसंयोजक
मङ्सिर १२ गतेदेखि २३ गतेसम्म देशका विभिन्न स्थानमा यस्ता सभाहरु सञ्चालन हुनेछन्। सुदूरपश्चिमबाट शुरु हुने यी कार्यक्रम क्रमशः लुम्बिनी, गण्डकी, कोशी, उपत्यका विशेष, कर्णाली, सङ्घीय संरचना समन्वय प्रदेश, मधेश र बागमती प्रदेशमा आयोजना हुनेछ। त्यस्तै, विदेशमा रहेका पार्टी संरचनाहरूका लागि मङ्सिर २१ गते साँझ ६ बजे भर्चुअल एकता सभा सञ्चालन गरिने कार्यक्रमसमेत तय गरिएको छ।